رۆژنامەی پۆلیتیكۆ بە پشت بەستن بە سەرچاوەكان بڵاویكردەوە، ئیدارەی سەرۆكی ئەمریكا جۆ بایدن بەنیازە داوا لە كۆنگرێس بكات رەزامەندی لەسەر فرۆشتنی چەك بە تایوان بە بڕی یەك ملیار و 100 ملیۆن دۆلار، كە 60 مووشەكی دژە كەشتی و 100 مووشەكی ئاسمانی بۆ ئاسمانی تێدایە، ئەمەش لە كاتێكدایە كە ئاڵۆزییەكان لەگەڵ چین پەرەی سەندووە.
چین گه‌وره‌ترین یارییه جه‌نگییه‌كانی له ده‌وروبه‌ری ئه‌و دوورگه‌ی به‌ڕێوه‌به‌رایه‌تی دیموكراسی ئه‌نجامدا، دوای سه‌ردانه‌كه‌ی نانسی پیلۆسی سه‌رۆكی ئه‌نجومه‌نی نوێنه‌رانی ئه‌مریكا له‌م مانگه‌دا. پەكین بەكارهێنانی هێز بۆ خستنە ژێر كۆنترۆڵی تایوان ڕەتی نەكردووەتەوە.
ڕۆژی دووشەممە چین سکاڵاکانی تایوانی ڕەتکردەوە سەبارەت بە دووبارەبوونەوەی فڕینی فڕۆکە بێفڕۆکەوانەکانی چین لە نزیک ئەو دوورگانەی کە لەلایەن تایپەیەوە کۆنترۆڵ دەکرێن و بە “شایانی ئەو جەنجاڵییە نین” ناوی برد.
ئەمەش تایپەی توڕە کرد و وەڵامی دایەوە “قسەیەکی چینی کۆن هەیە کە دەڵێت ئەو کەسانەی بانگهێشت ناکرێت پێیان دەوترێت دز”.
ئیدارەی بایدن و پەرلەمانتارانی ئەمەریکا پشتگیری بەردەوامی خۆیان بۆ حکومەتی تایپە دووپات دەکەنەوە.
بەپێی سێ سەرچاوە کە بەهۆی هەستیاری پرسەکەوە داوای نەناسراویان کردووە، گرنگی بە پشتگیریکردنی سیستەمی سەربازی تایوان و جێبەجێکردنی فەرمانەکانی ئێستا دەدرێت، نەک توانای نوێ بۆ دوورگەکە دابین بکرێت کە ئەگەری هەیە گرژی زۆر بەرز لەگەڵ چیندا هەڵبگیرسێنێت.
