ئەردۆغان لە رێگەی ڤیدیۆکۆنفڕانسەوە پەیوەندییەکی لەگەڵ ئیلۆن ماسک ئەنجامدا

سەرکۆماری تورکیا، رەجەب تەیب ئەردۆغان، لە رێگەی ڤیدیۆکۆنفڕانسەوە پەیوەندییەکی لەگەڵ دامەزرێنەری تێسلا و سپەیس ئێکس، ئیلۆن ماسک ئەنجامدا.

بەپێی ئەو راگەیەندراوەی کە لە فەرمانگەی پەیوەندییەکانه‌وه‌ له‌ سەرۆکایەتی کۆماری تورکیا بڵاوکراوەتەوە، لە میانی پەیوەندییەکەدا تاوتوێی ھەماھەنگی نێوان دامەزراوە گشتییەکان و کەرتی تایبەت لە تورکیا و کۆمپانیاکە لە بوارە جیاوازەکاندا و لەسەروویانه‌وه‌ بوارەکانی مانگی دەستکرد و تەکنەلۆژیاکانی بۆشایی ئاسمان کرا.

ھەر لە میانی پەیوەندییەکەدا، تاوتوێی بابەتەکانی ئۆتۆمبیلە کارەباییەکان و ئابووریی دیجیتاڵی و ھەڵسەنگاندن بۆ وەبەرھێنانی درێژخایەن و ھەنگاوەکانی باشترکردنی ھەماھەنگیی بەردەوام کرا.

لە میانی پەیوەندییەکەی نێوان ئەردۆغان و مەسکدا، ھەنگاوە ھاوبەشەکانی دابینکردنی باتری لیسیۆم بۆ ئۆتۆمبیلە کارەباییە خۆماڵییەکانی تورکیا TOGG، خراوەتەڕوو، و تاوتوێی پرۆسەی ناردنی مانگیی دەستکردی (TÜRKSAT 5-B)ی تورکیا لە دوای ناردنی مانگی دەستکردنی (TÜRKSAT 5-A) کە وا بڕیارە لە مانگی کانوونی دووەمدا لە رێگەی سپەیس ئێکسەوە رەوانەی بۆشایی ئاسمان بکرێت، کراوە.

سەرکۆماری تورکیا ، لە میانی پەیوەندییەکەدا سەرنجی بۆ ئەو کارانەی کە وڵاته‌كه‌ی لە چوارچێوەی پرۆگرامی نیشتمانیی بۆشایی ئاسمان کردوویەتی، راکێشا.

By ubnt

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *