رۆژی سێشەممەی رابردوو ئاژانسی ئەسۆشێتد پرێس کوژرانی ئەیمەن زەواهیری رێبەری قاعیدەی راگەیاند لە میانی هێرشی فڕۆکە بێفڕۆکەوانەکانی ئەمریکا بۆ سەر ئەفغانستان.
ئاژانسەکە لە زاری سەرچاوەیەکەوە رایگەیاندووە، بۆردومانەکەی ئەمریکا لە کۆتایی هەفتەدا لە ئەفغانستان ئەنجامدراوە.
لای خۆیه‌وه حكومه‌تی ئه‌فغانستان رایگه‌یاند كه ئه‌مریكا هه‌ڵكوتایه‌ته سه‌ر ماڵێك له كابول به پێشێلكردنی روونی بنه‌ما نێوده‌وڵه‌تییه‌كان و رێككه‌وتنی ده‌وحه.
جەرا ئەلئەیون کە یارمەتی دامەزراندنی جیهادی میسری دا، دوای کوژرانی بن لادن لەسەر دەستی هێزەکانی ئەمریکا لە ٢ی ئایاری ٢٠١١، سەرکردایەتی قاعیدەی گرتە دەست.
پێش ئەوە زەواهیری وەک دەستی ڕاستی بن لادن و ئایدۆلۆگی سەرەکی قاعیدە سەیر دەکرا.
هەندێک لە شارەزایان پێیان وایە ئەو یەکێک بووە لە توخمە سەرەکییەکانی پشت هێرشەکانی ١١ی ئەیلولی ٢٠٠١، چونکە ئەو کاتە ناوی ئەو لە دوای بن لادن لە لیستی ٢٢ “تیرۆریستی داواکراو”ی ئەمریکادا دووەم بووە.
حکومەتی ئەمریکا پاداشتی 25 ملیۆن دۆلاری بۆ هەر کەسێک تەرخان کردووە کە یارمەتی دەستڕاگەیشتن بەو کارە بدات.
