بەردی گورچیلە : ئەو خواردن و خواردنەوانەی ئەگەری تووشبوون بە بەردی گورچیلە زیاد دەکەن
توێژەران هۆشدارییان داوە لەوەی بسکیت و کێک و خواردنەوە گازییەکان ئەگەری تووشبوون بە بەردی گورچیلە زیاد دەکات.
توێژینەوەیەک ئاماژە بەوە دەکات کە خواردنی زیاتری شەکری زیادکراو – کە بە شێوەیەکی باو لە خۆراکە پرۆسێس کراوەکاندا دەبینرێت – ئەگەری تووشبوون بەم حاڵەتە ئازاربەخشە زیاد دەکات.
بەردی گورچیلە لە هەر دە کەسێک زیاتر لە یەک کەس تووشی دەبێت و تەمەنیان لە نێوان ٣٠ بۆ ٦٠ ساڵدایە و بەهۆی پاشماوەکانی ناو کریستاڵەکانی خوێنەوە دروست دەبێت.
بە تێپەڕبوونی کات لەوانەیە کریستاڵەکان کۆببنەوە و بارستەیەکی ڕەق و هاوشێوەی بەرد دروست بکەن، ئەمەش دەبێتە هۆی ئازارێکی زۆر و هەوکردنی گورچیلە ئەگەر بە باشی چارەسەر نەکرێت.
وە توێژینەوە نوێیەکان بۆ یەکەمجار دەریدەخەن کە خواردنەوە و شیرینی و ئایسکرێم و کێک و بسکیتەکان کە شەکریان زیاد کردووە، وا دیارە مەترسی تووشبوون بەم حاڵەتە زیاد دەکەن.
توێژەرانی نەخۆشخانەی پەیوەندیدار لە کۆلێژی پزیشکی باکووری سیچوان لە چین، زانیارییەکانی نزیکەی ٣٠ هەزار کەسیان شیکردەوە کە لە ماوەی ١١ ساڵدا کۆکراونەتەوە.
بەشداربووان خۆیان ڕاپۆرتیان کردووە کە ئایا پێشینەی بەردی گورچیلەیان هەبووە یان نا، و خواردنی ڕۆژانەی شەکری زیادکراویان لە خۆراکە ڕاپۆرتکراوەکانیانەوە خەمڵێندراوە.
شیکارییەکە دەرکەوتووە، ئەوانەی زۆرترین شەکری زیادکراویان خواردووە، ئەگەری تووشبوونیان بە بەردی گورچیلە لە ماوەی توێژینەوەکەدا بە ڕێژەی 39% زیاترە.
بە هەمان شێوە ئەوانەی زیاتر لە چارەکێکی کۆی وزەی خۆیان لە شەکرە زیادکراوەکانەوە وەرگرتووە، ئەگەری تووشبوونیان بەو حاڵەتە بە ڕێژەی ٨٨% زیاترە.
هۆکارە ناسراوەکانی مەترسی بۆ بەردی گورچیلە بریتین لە قەڵەوی، سکچوونی درێژخایەن، وشکبوونەوەی لەش و نەخۆشی شەکرە. ئێستا، توێژەران دەڵێن، پێویستە بەکارهێنانی زۆری شەکرە زیادکراوەکان بخرێتە ناو لیستەکەوە.
دکتۆر شان یین، نووسەری سەرەکی دەڵێت: “توێژینەوەکەمان یەکەمجارە کە پەیوەندی نێوان خواردنی زیادکردنی شەکر و بەردی گورچیلە ڕاپۆرت دەکات، ئەمەش پێشنیاری ئەوە دەکات کە کەمکردنەوەی وەرگرتنی شەکری زیادکراو ڕەنگە یارمەتیدەر بێت لە ڕێگریکردن لە دروستبوونی بەردی گورچیلە”.
