ئەمڕۆ چوارشەممە، کۆمپانیای دانەغاز ڕایگەیاند، پارەی نەختینەی لە میسر و هەرێمی کوردستان لە ماوەی ساڵی 2022دا زیاتر لە 300 ملیۆن دۆلار بووە.
کۆمپانیاکە لە بەیاننامەیەکدا ئەمڕۆ بڵاویکردەوە، لە ماوەی ساڵی 2022دا بڕی ملیارێک و 16 ملیۆن درهەم کە بەرامبەرە بە 318 ملیۆن دۆلار دەستکەوتووە، بەو پێیەی ئەو پارەیەی لە میسر و هەرێمی کوردستانی عێراق وەرگیراوە 311 ملیۆن درهەم و 854 ملیۆن درهەم بووە، لەگەڵ… کۆی گشتی بەهای پارەدانەکان 1.165 ملیار درهەمە، کە یەکسانە بە 318 ملیۆن دۆلار.
کۆمپانیاکە لە ڕاپۆرتەکەیدا سەبارەت بە ئەنجامە داراییەکانی بۆ ساڵی ٢٠٢٢ ڕایگەیاندووە، پارەی شایستەیی تا کۆتایی ٣١ی کانوونی دووەمی ٢٠٢٢ زیادیکردووە و گەیشتووەتە ١١٠ ملیۆن درهەم، کە بەرامبەرە بە ٣٠ ملیۆن دۆلار لە میسر، هەروەها ٢٣٥ ملیۆن درهەم کە بەرامبەرە بە ٦٤ ملیۆن دۆلار لە هەرێمی کوردستانی عێراق.
وە پارەیە شایستەکانی شایەتی زیادبوونی ساڵانە بووە لە هەرێمی کوردستانی عێراق، لە ئەنجامی دواکەوتنی پێدانی ئەو وادەی دیاریکراوە، لە کاتێکدا دۆخی ئابووری ئێستای میسر بووەتە هۆی سەختی گواستنەوەی دۆلار بۆ دەرەوەی وڵات.
ئاماژەی بەوەشکردووە، وەبەرهێنانەکانی هاوتەریب دەبن لەگەڵ کۆکردنەوەی پارەکانی وەرگیراو و بەردەستبوونی دراوی ڕەق، هەروەها هەموو ڕێوشوێنێکی گونجاو دەگرێتەبەر بۆ کۆکردنەوەی سەرجەم قەرزە دواکەوتووەکان بە زووترین کات.
قازانجی کۆمپانیای داناغاز لە ساڵی ٢٠٢٢دا بە ڕێژەی لەسەدا ٤٢ کەمیکردووە بەهۆی تۆمارکردنی زیانێکی ناوازە کە لە ئەنجامی دابەزینی بەهای هەندێک لە موڵکەکانیەوە بووە.
قازانجەکانی تا کۆتایی ساڵی ٢٠٢٢ ٦٦٧ ملیۆن درهەم بووە کە دەکاتە ١٨١.٦ ملیۆن دۆلار، لە کاتێکدا لە هەمان ماوەی ساڵی ٢٠٢١دا قازانجەکەی یەک ملیار و ١٥٦ ملیۆن درهەم بووە.
کۆمپانیای داناغاز کۆمپانیایەکی هەرێمی تایبەتە بۆ بەرهەمهێنانی غازی سروشتی لە ڕۆژهەڵاتی ناوەڕاست، لە مانگی کانوونی دووەمی ساڵی 2005 دامەزراوە و لە بۆرسەی ئەبوزەبی ڕیزبەندی کراوە، کۆمپانیاکە چالاکیی گەڕان و بەرهەمهێنانی لە میسر و هەرێمی کوردستانی عێراق و… ئیماراتی یەکگرتووی عەرەبی، کە یەدەگی سەلمێنراو و ئەگەری زیاتر لە یەک ملیار بەرمیل نەوتی هاوتای هەیە.
