لێدوانەکانی ئەندامانی بانکی فیدرالی ئەمریکا :
سەرۆکی بانکی ناوەندی ئەمریکا جیرۆم پاول وتی توانای بانکی ناوەندی ئەمریکا بۆ کاریگەریکردن لەسەر ئابووری پەیوەستە بەوەی کە ئایا “خەڵک لەوە تێدەگەن کە ئێمە دەیڵێین”، تیشکی خستە سەر گرنگی ئەو کارانەی کە لەلایەن مامۆستایانی ئابوورییەوە ئەنجام دەدرێن.
پاول لە لێدوانەکانیدا کە ئامادەکراوە بۆ بۆنەیەکی هۆڵی شارەوانی لەگەڵ پەروەردەکاران لە واشنتۆن لە ڕۆژی پێنجشەممەدا، کاتێک بەرپرسانی بانکی ناوەندی ئەمریکا پێشبینییەکانیان بۆ ڕێژەی سوود و ئابووری بڵاودەکەنەوە، وتی: “یەکێک لە ئامانجەکانمان کاریگەریکردنە لەسەر بڕیارەکانی خەرجکردن و وەبەرهێنان لەمڕۆ و مانگەکانی داهاتوودا.”
تۆماس بارکین سەرۆکی بانکی ناوەندی ڕیچمۆند ڕۆژی پێنجشەممە ڕایگەیاند، بڕیارەکەی بانکی ناوەندی بۆ ڕاگرتنی ڕێژەی سوود لە سەرەتای ئەم مانگەدا هەنگاوێکی دروستە و ڕوون نییە کە ئایا لە چەند مانگی داهاتوودا گۆڕانکاری زیاتر لە سیاسەتی دراودا پێویستە یان نا.
ئاماژەی بەوەشکردووە، “کاتمان هەیە بۆ ئەوەی بزانین ئایا بەشی پێویستمان کردووە، یان کاری زیاتر ماوە بیکەین”.
بارکین دەڵێت: “رێگای پێشەوە بۆ من پەیوەستە بەوەی کە ئایا دەتوانین خۆمان قەناعەت پێبکەین کە فشارەکانی هەڵاوسان لە پشتمانەوەن، یان دەبینین بەردەوامن و منیش لە نزیکەوە چاودێری بازاڕی کار دەکەم بۆ ئەو نیشانانە”.
لەلایەکی دیکەوە، ئەندامی بانکی یەدەگی فیدراڵی ئەمریکا لە شیکاگۆ، ئۆستن گولسبی، ڕۆژی پێنجشەممە ڕایگەیاند، ڕەنگە یەدەگی فیدراڵی ئەمریکا هەڵاوسان بگەڕێنێتەوە بۆ ئامانجەکەی کە 2% بێت بەبێ ئەوەی پاشەکشە ڕووبدات.
ئاماژەی بەوەشکرد: پابەندبوون بەو باوەڕەی کە لەدەستدانی هەلی کار پێویستە بۆ خاوکردنەوەی هەڵاوسان لە ئەمریکا هەڕەشەی هەڵەکردن لە سیاسەتی دراوی بانکی فیدراڵی ئەمریکا دەکات لە ماوەیەکی نزیکدا.
