ملیۆنێك ژه‌مه‌ ڤاكسینی سینۆفارمی چینی گه‌یشتە عێراق

وه‌زاره‌تی ته‌ندروستی و ژینگه‌ی عێراق گه‌یشتنی چواره‌می كاروانی ڤاكسینی سینۆفارمی چینی راگه‌یاند و ئاشكراشیكرد، بڕی یه‌ك ملیۆن ڤاكسین له‌ په‌كینه‌وه‌ گه‌یشتوه‌ته‌ به‌غدا و به‌سه‌ر سه‌رجه‌م پارێزگاكان به‌ هه‌رێمی كوردستانیشه‌وه‌ دابه‌شده‌كرێن.

د. ریاز عه‌بدولئه‌میر حلفی به‌ڕێوه‌به‌ری گشتی فه‌رمانگه‌ی ته‌ندروستیی گشتی ڕایگه‌یاندوه‌، وه‌زاره‌تی ته‌ندروستی كاروانێكی نوێی ڤاكسینی سینۆفارمی چینی وه‌رگرتوه‌ كه‌ بڕه‌كه‌ی ملیۆنێك ژه‌مه‌ و كاریگه‌ری باشی له‌سه‌ر به‌رزكردنه‌وه‌ی به‌رگری جه‌سته‌ هه‌یه‌.

ئەو بڕە ڤاكسینەی گەیشتوەتە بەغدا، دەست بەدابەشكردنی دەكرێت بەسەر سەرجەم پارێزگاكان و هەرێمی كوردستانیشدا، بۆئەوەی هاوڵاتیان لەرێگەی بنكە تەندروستیەكانەوە بتوانن بەكاری بهێنن و دوربن لەمەترسیەكانی توشبون بە ڤایرۆسی كۆرۆنا”

 د. عه‌لی به‌له‌داوی به‌ڕێوه‌به‌ری كۆمپانیای گشتی بۆ به‌بازاڕكردنی ده‌رمان و پێداویستی پزیشكی له‌وه‌زاره‌تی ته‌ندروستی ڕایگه‌یاند،عێراق گرێبه‌ستی دابینكردنی 36.000.000 ژه‌م ڤاكسینی كۆرۆنا له‌گه‌ڵ وڵاتی چین كردوه‌، له‌ماوه‌ی رابردوشدا سێ كاروان ڤاكسینمان به‌ده‌ست گه‌یشتوه‌ كه‌ كۆی گشتی 1.750.000 ژه‌م بون”

By ئابوري نيوز

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *