نرخی یۆرۆ بۆ خوار 0.99 دۆلار دابەزی، کە نزمترین ئاستی لە ماوەی بیست ساڵدا بووە، ئەمەش لە ژێر رۆشنایی ئەو نادڵنیاییەی لە دەوری ئاسۆی ئابووری ئەوروپا هەیە، ئەمەش دوای ئەوەی گروپی گازپرۆمی رووسیا رۆژی هەینی راگرتنی دابینکردنی غازی لە رێگەی بۆریی نۆرد ستریم راگەیاند.
ئەمڕۆ دووشەممە نرخی یۆرۆ بەڕێژەی 0.70% دابەزی و گەیشتە 0.9884 دۆلار، کە نزمترین ئاستی لە مانگی کانوونی دووەمی 2002ەوە بووە، ئەمەش بەردەوامە لە رەوتی دابەزینی لە سەرەتای ساڵەوە بەرامبەر بە دراوی ئەمریکی.
کۆمپانیای گازپرۆم هەینی ڕایگەیاند کە دابینکردنی غاز لە ڕێگەی نۆرد ستریمەوە کە بڕیار بوو ڕۆژی شەممە دوای کارێکی چاککردنەوە دەست پێبکاتەوە، “بەتەواوی” ڕادەگیرێت تاوەکو تۆرباینێک لە بۆری سەرەکی بۆ دابینکردنی ئەوروپا چاک دەکرێتەوە.
کۆمپانیای بەرهەمهێنەری تۆرباینەکە بەناوی سیمێنس ئینێرجی، وەستانی ئۆتۆمبێلەکەی لە ڕووی تەکنیکییەوە بە ناڕەوا زانی.
دوای ئەوەی نرخی غازی سروشتی ئەوروپا لە 26ی ئاب نزیک بووەوە لە بەرزترین ئاستی مێژوویی خۆی کە 345 یۆرۆیە بۆ هەر مێگاوات کاتژمێرێک، هەفتەی رابردوو لە ماوەی هەفتەیەکدا بە رێژەی زیاتر لە یەک لەسەر سێ دابەزی، بۆ ئەوەی رۆژی دووشەممە جارێکی دیکە مامەڵەی پێوە بکرێتەوە.
لە لایەکی دیکەوە، پێوەرە سەرەتاییەکانی بەردەست ئاماژە بەوە دەکەن کە بۆرسەکانی ئەوروپا شاهیدی دابەزینێکی بەرچاو دەبن کاتێک ڕۆژی دووشەممە دەکرێنەوە.
سەرچاوە: ئاژانسی فرانس پرێس
