پۆلیسی هەولێر دەستگیرکردنی “بەڵێندەرێک” ڕادەگەیەنێت کە بە ساختە 26 ملیۆن دۆلاری دزیوە

رۆژی دووشەممەی رابردوو بەڕێوەبەرایەتی پۆلیسی هەولێر دەستگیرکردنی کەسێکی راگەیاند کە بە ساختەکاری 26 ملیۆن دۆلاری دزیوە.

هاوكەر عەزیز، وتەبێژی پۆلیسی هەولێر لە كۆنگرەیەكی رۆژنامەوانیدا ، رایگەیاند: “تۆمەتبارەكان كۆمپانیای گرێبەستی ساختەیان دروستكردووە و فێڵیان لە هاوڵاتیان كردووە كە بەهاكەیان زیاتر لە 26 ملیۆن دۆلارە”.

پۆلیسی هەولێر

عەزیز ئەوەشی خستەڕوو، “تۆمەتبارەکە ساڵێک لەمەوبەر هاتۆتە هەولێر، دانیشتووی پارێزگای دهۆکە، تا ئێستا 15 سکاڵای یاسایی لەسەر تۆمارکراوە”.

عەزیز لە درێژەی قسەکانیدا وتی “پۆلیس تۆمەتبارەکەی خستە بەردەم دادگا بۆ ئەوەی رێوشوێنی یاسایی لە دژی بگیرێتەبەر”.

telegram

By ئابوري نيوز