سێرگی ڕیابکۆڤ جێگری وەزیری دەرەوەی ڕوسیا لەزاری ئاژانسی هەواڵی تاس ی ڕوسیەوە باس لەوە کراوە کە ڕوسیا بەدوای هەناردەکردنی زێڕ بۆ وڵاتانی تر دەگەڕێت دوای ئەوەی ئەمریکا قەدەغەی هاوردەی زێڕی ڕوسیای پێشکەش کرد
ڕۆژی سێشەممە، ویلایەتە یەکگرتووەکان پاکێجێکی نوێی سزاکانی دژ بە ڕووسیا ڕاگەیاند کە بریتی بوو لە قەدەغەکردنی هاوردەی نوێی زێڕی ڕووسیا، وەک بەشێک لە بەڵێنەکانی سەرکردەکانی جی 7 ئەم هەفتەیە بۆ فشار خستنە سەر ڕووسیا لەسەر شەڕەکەی بۆ سەر ئۆکرانیا
ڕۆژی دووشەممەی ڕابردوو ڕوسیا ڕایگەیاند بڕیاری جی 7 بۆ قەدەغەکردنی هاوردەکردنی زێڕی ڕووسی نایاساییە
لە راگەیەندراوێکدا، حکومەتی ڕوسیا ڕایگەیاند، کە لە کاتی ڕاگەیاندنی قەدەغەکردنەوە دەستی کردووە بە گەڕان بەدوای بازاڕی هەناردەی زێڕی نوێ، بەتایبەتی لە ئاسیا و ڕۆژهەڵاتی ناوەڕاست
وتەبێژی کرێملین دیمیتری پێسکۆڤ لە لایەن ئینتەرفاکسەوە گووتراوە کە بازاڕی کانزا بەنرخەکە جیهانی و گەورە و زۆر و هەمەجۆرە.
زێڕ سەرمایەیەکی گرنگی بانکی ناوەندی ڕوسیایە کە بەهۆی سزاکانی ڕۆژئاواوە ڕووبەڕووی سنورداربوون دەبێتەوە بۆ گەیشتن بە هەندێک لە سەرمایەکانی لە دەرەوەی وڵات
ئۆفەری ڕووسی بە نرخە کەمکراوەکان
بەپێی ڕاپۆرتێکی ئەناتۆلیا، بڕیاری قەدەغەکردنی گرێبەستە نوێیەکانی زێڕی ڕووسی دەرگای بۆ ئەگەری بازاری لاوەکی هاوتەریب بۆ فرۆشتنی زێڕ بەبازاڕەکانی جیهان کردەوە، لە دەرەوەی بازنەی ئەو وڵاتانەی پشتگیری ئەم سزایانە دەکەن
ئەم بڕیارە لە دوای بڕیارێکی هاوشێوە دێت لەلایەن ویلایەتە یەکگرتووەکان و کەنەدا و بەریتانیاوە بۆ سەپاندنی قەدەغەکردنی دەستبەجێی کڕینی نەوتی ڕووسیا یان بە دەستهێنانی، لە کاتێکدا وڵاتانی یەکێتی ئەوروپا دەستیان کردووە بە کەمکردنەوەی وردە وردە، ئەمەش دەبێتە هۆی قەدەغەکردنی هەناردەکردن لە کۆتایی ئەمساڵەوە
